Urdu Nonvillains is a platform for all social media writers. Here you find variety of novels having different plot and concept about life of a human being who faces difficulties in every walk of life.
Each story has its own moral every story teaches us a new lesson as it contains experience of every human life.
Here you find revenge based, Islamic based, Rude hero, Doctor, Lawyer based with many more exciting tragedies.
Ameer Hamza is one of the fabulous novel that get attention by readers after reading it you will love this novel. Download this novel by clicking below the given link.
Routha Hua Ishq By Ameer Hamza Complete Pdf
Sneak Peak No : 1
"میں ہٹا لیتا ہوں ہاتھ پر وعدہ کرو چیخو گی نہیں"۔۔۔؟؟؟ وہ ویسے ہی پرسکون لہجے سے بول رہا تھا۔۔۔۔۔کیرت بے بسی سے اسے دیکھنے لگی۔۔۔۔۔پھر اسکی آنکھوں سے آنسوں گرنے لگے۔۔۔۔۔ہڈ والا گھبرا گیا۔۔۔۔۔
"اچھا۔۔۔۔اچھا۔۔۔ٹھیک ہے میں ہاتھ ہٹا رہا ہوں۔۔۔۔۔پر رونا مت"۔۔۔۔ اس نے یہ کہہ کر ہاتھ ہٹا لیا اور کیرت سے دور ہوگیا۔۔۔۔۔۔۔۔۔کیرت فوراً چارپائی سے اٹھی اور دیوار سے لگ کر کھڑی ہوگئی۔۔۔۔۔
"میں تمہیں یہاں ڈرانے نہیں آیا"۔۔۔۔۔وہ بولتا قدم اٹھنے لگا۔۔۔۔اسکے قدم اٹھتے ہی کیرت دیوار سے اور چپک گئی۔۔۔۔اسکے قدم وہیں رک گئے۔۔۔۔ہوا سے لبادہ ویسے ہی اڑ رہا تھا۔۔۔۔۔
"ک۔۔۔کو۔۔۔کون ہو تم"۔۔۔۔؟؟ اب کی بار کیرت نے ہمت کرکے سوال کرلیا۔۔۔۔۔آواز بھرائی ہوئی تھی۔۔۔۔۔کالی آنکھوں والے کی آنکھیں چمکیں۔۔۔۔۔اس نے ہاتھ سینے پہ باندھ لیے۔۔۔۔
"میں"۔۔۔؟؟ اسنے سینے پہ انگلی رکھ کر پوچھا۔۔۔۔کیرت کے آنسوں بہہ کر اسکے گالوں پہ آگئے تھے۔۔۔۔۔کیرت نے جواب نہ دیا تو وہ بولا۔۔۔۔۔
"اپنا بارے میں بتانے سے پہلے میں تمہیں یہ بتانا چاہوں گا کہ تم میرے لیے کیا ہو"۔۔۔۔۔ وہ اتنا کہہ کر خاموش ہوا۔۔۔۔ کیرت دم سادھے اسے سن رہی تھی۔۔۔۔ہڈ والا پھر بولنے لگا۔۔۔۔
"تم میرا "چاند" ہو۔۔۔۔۔۔اور جانتی ہو چاند کے لیے راتوں کو کون سفر کرتا ہے"۔۔۔۔؟؟ اسکا لہجہ سوالیہ تھا۔۔۔۔۔کیرت آنکھیں پھاڑے بس اسے دیکھ رہی تھی۔۔۔۔آنسوں جو آنکھوں سے نکلے تھے۔۔۔۔ایک لکیر کی صورت سوکھ گئے تھے۔۔۔۔آنکھیں بھیگی ہوئی تھیں۔۔۔پر آنسوں اب نہیں نکل رہے تھے۔۔۔۔۔کیرت کے جواب نہ دینے پہ اس نے اپنی بات مکمل کی۔۔۔
"چاند کے پاس راتوں کو سفر چکور کرتا ہے۔۔۔۔۔وہ پوری رات چاند کے پاس جانے کی کوشش کرتا ہے۔۔۔۔کیونکہ وہ چاند کا دیوانہ ہوتا ہے جیسے میں تمہارا ہوں"۔۔۔۔۔وہ یہ کہہ کر اچانک ہی پلٹ گیا۔۔۔۔۔۔پھر منڈیر تک جاکر رکا۔۔۔۔
"میں کل پھر آؤں گا۔۔۔۔۔اور اب ہر اس جگہ آؤں گا جہاں تم جاؤ گی۔۔۔۔۔یاد رکھنا"۔۔۔۔۔۔وہ بغیر کیرت کی طرف رخ کیے کہہ کر منڈیر ٹاپ گیا تھا۔۔۔۔کسی بلی کی طرح وہ دیواروں پہ چڑھتا۔۔۔۔پھلانگتا بہت دور نکل گیا تھا۔۔۔۔۔کیرت ساکت سی وہیں دیوار سے لگی کھڑی تھی۔۔۔۔۔وہ تھا کون۔۔۔؟ جو یوں محبت کا اظہار کر گیا تھا۔۔۔۔۔کیرت مریل قدموں سے چارپائی تک آئی۔۔۔۔وہاں پھول اور چاکلیٹ رکھی تھی جن میں ایک پرچی بھی تھی۔۔۔۔۔۔۔کیرت نے انہیں اٹھایا۔۔۔۔۔پرچی کھولی۔۔۔۔
"اپنے چاند کا چکور"
ایک کونے میں اتنا ہی لکھا تھا۔۔۔۔کیرت خوف زدہ سی دور پھیلی چھتوں کو دیکھنے لگی۔۔۔۔جہاں سے ابھی چکور گیا تھا۔۔۔۔۔۔وہ کیرت کی نیندیں بھی چرا لے گیا تھا۔۔۔۔۔
Sneak Peak No : 2
"تو آپ پہلے بھی جاب کرچکی ہیں کچھ آفسسز میں"۔۔۔۔؟ اسکا انداز بالکل پرفیشنل تھا۔۔۔۔۔لہجہ اردو بولنے پہ بھی اس بات کی چغلی کر رہا تھا کہ سامنے والے کو انگریزی لب و لہجے پہ بھی مکمل دسترس حاصل ہے۔۔۔۔۔۔کیرت نے بمشکل اس پہ سے نظریں ہٹائیں۔۔۔۔۔انہیں جھکا لیا۔۔۔۔۔
"جی"۔۔۔۔ مختصر جواب دیا۔۔۔۔۔ضامن نے نظریں اٹھا کر اسے گھورا۔۔۔۔۔پھر بولا۔۔۔
"نظریں اوپر کریں"۔۔۔ کیرت کا دل ایک ایک سیڑھی سے اترتا ڈوب رہا تھا۔۔۔۔چلمن سی پلکیں اٹھا کر بھوری آنکھوں نے سبز مائل آنکھوں والے کو دیکھا۔۔۔۔۔
"آپ کا انٹرویو ہورہا ہے۔۔۔۔۔آپ کو پراعتمادی سے بیٹھانا چاہیے"۔۔۔۔۔وہ سنجیدگی بھری نرمی سے بولا تو کیرت نے ہلکا سا سر کو خم دیا۔۔۔۔خود پہ دوبارہ قابو کیا۔۔۔۔ضامن اس سے اب چند دوسرے سوال کررہا تھا۔۔۔۔۔۔کیرت ترکی بہ ترکی جواب دے رہی تھی۔۔۔۔۔اس نے ضامن کی بات مان لی تھی۔۔۔۔۔اب وہ پراعتماد تھی۔۔۔۔۔
"صحیح ہے آپ کل سے آجائیے گا"۔۔۔۔۔۔ سی وی کو کیرت کی طرف کرتے وہ بیک سے پشت ٹکا کر بیٹھ گیا۔۔۔۔۔پھر بولا۔۔۔
"نوکری کی نوعیت اور سیلری وغیرہ کا آپکو وسیم صاحب میرے منیجر بتا دیں گے آپ اب جاسکتی ہیں"۔۔۔۔۔یہ کہہ کر اس نے جیب سے موبائل نکالا اور نمبر ڈائل کرنے لگا۔۔۔۔
۔کیرت نے اپنی سی وی اٹھائی اور ہلکی مسکراہٹ سے سر کو خم دے کر وہ کیبن سے نکل گئی۔۔۔۔۔۔
ضامن نے فون کان سے لگا لیا تھا۔۔۔۔۔وہ شاید کسی کو کال کر رہا تھا۔۔۔۔۔۔دوسری بیل پہ کال اٹھا لی گئی تھی۔۔۔۔
"میں ضامن جعفر بات کررہا ہوں میں پہلے بھی آپ کے اسکول آیا تھا۔۔۔۔۔مجھے پرنسپل ثانیہ کا مکمل پتہ چاہیے۔۔۔۔۔جتنی جلدی ہوسکے"۔۔۔۔۔۔وہ حکمی انداز سے بول رہا تھا۔۔۔۔۔اس اسکول پہ اسکے ڈیڈ کے بہت سے احسانات تھے۔۔۔۔۔تبھی وہ یوں تمکینت سے بات کررہا تھا۔۔۔۔۔دوسری جانب کا جواب سن کر اس نے نفی میں گردن ہلائی۔۔۔۔۔
Sneak Peak No : 3
"میرا انتظار کررہی تھیں"۔۔۔۔؟؟ اسنے کیرت کے سامنے چٹکی بجائی۔۔۔۔کیرت ہڑابڑا سی گئی۔۔۔۔آنکھوں کے سامنے کالے بھوت نما شخص کو دیکھ کر ایک پل کو تو اسکی جان حلق میں آگئی۔۔۔۔چیخ نکلتی نکلتی رہ گئی۔۔۔۔۔دل بند ہوجانے کو تھا۔۔۔۔۔
"میں نے پوچھا۔۔۔۔حضور میرے انتظار میں تھے"۔۔۔۔؟؟ وہ شگفتگی سے گویا ہوا۔۔۔۔۔کیرت کو اسکی یہ شگفتگی زہر لگی۔۔۔۔۔غصہ انگ انگ میں دوڑ گیا۔۔۔۔۔جو تنفس کل ڈر سے پھول رہا تھا آج غصے سے پھولنے لگا۔۔۔۔۔دوپٹہ درست کرتی وہ ہڈ والے کو گھورتی کھڑی ہوگئی۔۔۔۔۔ہڈ والا دلچسپی سے اسے دیکھ رہا تھا۔۔۔۔۔
"کون ہو تم اور کیوں آتے ہو میرے گھر"۔۔۔۔؟؟ وہ درشتی سے بولی تھی۔۔۔۔۔چکور نے سینے پہ ہاتھ باندھ لیے۔۔۔۔
"چکور چاند پانا چاہتا ہے۔۔۔۔۔بتاؤ ملے گا اسے چاند"۔۔۔؟؟ وہ پرسکون لہجے میں بولا۔۔۔۔کیرت کی درشتی غصہ سب نظر انداز کر گیا تھا۔۔۔۔۔کیرت جھنجھلائی۔۔۔۔
"دیکھو مجھے تنگ مت کرو۔۔۔۔۔میری زندگی پہلے ہی عذاب ہے"۔۔۔۔۔۔۔۔
"میں جانتا ہوں۔۔۔۔۔تمہاری دادی بہت بری ہیں۔۔۔۔اتنی تیز اور بد زبان ہیں کہ اللہ بچائے۔۔۔۔۔اور تمہاری وہ دو بہنیں بھی انکی ٹوکاپی ہیں۔۔۔۔۔بہرحال اب ابو امی کا رویہ تم سے بہتر ہے"۔۔۔۔اسکے الفاظ تھے کہ کیا۔۔۔۔کیرت کو بے جان کرگئے۔۔۔۔۔وہ کیرت کے بارے میں ایک ایک بات جانتا تھا۔۔۔۔۔اسکا سر چکرا گیا۔۔۔۔۔
"ت۔۔۔تم۔۔۔۔تم ہو کون"۔۔۔۔؟؟ کیرت نے چکراتے سر سے بدقت پوچھا تھا۔۔۔۔۔
"بتایا تو چکور ہوں۔۔۔۔۔اب یہ بتاؤ میرا انتظار کررہی تھیں"۔۔۔۔؟؟؟ اسکی لہجے میں دلچسپی در آئی تھی۔۔۔۔آنکھوں کی چمک بڑھ گئی۔۔۔۔کیرت کو اپنا آپ ایک بار پھر بے بس محسوس ہوا۔۔۔۔۔اس نے بغیر وقت ضائع کیے ہاتھ جوڑ لیے۔۔۔۔
"دیکھو بھائی مجھے پریشان نہ کرو"۔۔۔۔۔کیرت ابھی کچھ اور کہتی کہ وہ چلایا۔۔۔
"چپ"۔۔۔۔کیرت نے فوراً منہ پہ ہاتھ رکھ لیا۔۔۔۔۔وہ غصے سے آگے بڑھا۔۔۔۔
"میں تمہارا بھائی وائی نہیں ہوں۔۔۔۔۔آدھی رات کو چھتیں ٹاپ کر میں یہ بہناپا قائم کرنے نہیں آتا۔۔۔۔۔خبر دار جو مجھے آئندہ بھائی کہا تو۔۔۔۔۔ورنہ تمہیں ساتھ لے جاؤں گا سمجھیں"۔۔۔۔؟؟ وہ کیرت کی آنکھوں میں آنکھیں ڈال کر بڑی بے رحمی اور رکھائی سے بولا تھا۔۔۔۔کیرت نے جلدی سے سر اثبات میں ہلایا تو وہ اس سے دور ہوگیا۔۔۔۔۔کیرت نے تھوک نگلا۔۔۔۔
"مجھ پہ مہربانی کرو مت آیا کرو کسی کو پتہ چل گیا تو میں پورے محلے میں رسوا ہوجاؤں گی"۔۔۔۔۔؟ وہ التجا کرنے لگی۔۔۔۔
"تمہارے رسوا ہونے سے پہلے میں تمہیں اپنا بنا لوں گا۔۔۔۔۔مہربان تم بنو۔۔۔۔۔مہربانی تم کرو۔۔۔۔سونپ دو اپنا آپ مجھے۔۔۔۔۔میں بھی خوش نصیب بننا چاہتوں۔۔۔۔تمہیں چاہ کر۔۔۔۔تمہیں پاکر"۔۔۔۔۔ کیرت کو سمجھ نہ آئی کہ اب وہ اور کیا کہے۔۔۔۔؟
وہ کچھ دیر اسے دیکھتا رہا۔۔۔۔۔پھر جانے کے لیے پلٹ گیا۔۔۔۔۔منڈیر کے پاس جاکر رکا۔۔۔۔۔اپنا رخ کیرت کی طرف کیا۔۔۔۔
"میری بات پہ توجہ دینا۔۔۔۔میں تمہیں اپنانا چاہتا ہوں۔۔۔۔تم اور میں ایک دوسرے کے لیے بنے ہیں"۔۔۔۔ اتنا کہہ کر رکا کیرت کے پریشان چہرے کو دیکھا۔۔۔۔۔
"چاکلیٹ کھا لیا کرو۔۔۔۔الماری میں مت رکھا کرو"۔۔۔۔۔۔وہ کہہ کر منڈیر پھلانگ گیا۔۔۔۔۔اور ادھیروں میں گم ہوگیا۔۔۔۔۔کیرت اسکی آخری بات پہ ہل کر رہ گئی۔۔۔۔۔اسے کیسے پتہ چلا کہ کیرت چاکلیٹ الماری میں رکھ رہی ہے۔۔۔۔کھاتی نہیں۔۔۔۔۔ الماری کو تو تالا لگا ہوتا تھا۔۔۔۔۔کیرت چارپائی پہ بیٹھنے کی بجائے کمرے میں بھاگی۔۔۔۔۔
Sneak Peak No : 4
"کیوں نئے نئے بہانوں سے مجھے پریشان کرتی ہو؟۔۔۔۔۔مجھے بتاؤ گی نہیں تو مجھے پتہ کیسے چلے گا کہ تمہیں پریشانی کیا ہے۔۔۔؟ کیوں مجھے اذیت دیتی رہتی ہو"۔۔۔۔۔؟؟ نہ لہجہ سخت تھا۔۔۔۔نہ نرم۔۔۔۔۔کچھ جذبات تھے جو چھلکنے لگے تھے۔۔۔۔۔کیرت نے دھیرے سے آنکھیں کھولیں۔۔۔۔۔ٹیکسی اسکے پاس آگئی تھی۔۔۔۔ضامن نے ٹیکسی والے کو دیکھا۔۔۔۔
"تم جاؤ انہوں نے جہاں جانا ہوگا میں چھوڑ دوں گا"۔۔۔۔۔ٹیکسی والے نے ناسمجھی سے کیرت کو دیکھا۔۔۔۔۔جس نے ایک جھٹکے سے خود کو ضامن سے دور کیا تھا۔۔۔۔
"مجھے جانے دیں سر مجھے دیر ہورہی ہے" ۔۔۔۔۔اسنے سر پہ زور دیا۔۔۔۔۔۔ضامن سمجھ گیا تھا کچھ غلط ضرور ہے۔۔۔۔۔۔ٹیکسی والا کھڑکی سے انہیں دیکھ رہا تھا۔۔۔۔آتی جاتی گاڑیوں سے بھی لوگ انہیں دیکھتے جا رہے تھے۔۔۔۔۔
"پریشے بس بہت ہوگیا"۔۔۔۔۔اسکے صبر کا پیمانہ لبریز ہوگیا تو ضامن نے کیرت کا ہاتھ زبردستی کھینچنا شروع کردیا۔۔۔۔۔ٹیکسی والا مدد کے لیے باہر آیا۔۔۔۔۔کیرت بھی چیخی۔۔۔۔
"مسئلہ کیا ہے آپ کے ساتھ چھوڑیں مجھے"۔۔۔۔۔۔ٹیکسی والا بھاگ کر ضامن کے آگے آیا۔۔۔۔۔
"او ہیرو کیوں پریشان کررہا ہے انہیں بلاؤں کیا پولیس کو"۔۔۔؟ ضامن نے اسے کھا جانے والی نظروں سے گھورا۔۔۔۔۔
"اول تو مجھے پولیس سے ڈر نہیں لگتا اور دوسرا تم میں اتنا دم خم ہے کہ ان میڈم کو مجھ سے چھڑا سکو تو کوشش کرکے دیکھ لو"۔۔۔۔۔۔وہ چبا چبا کر بولا تھا۔۔۔۔۔ٹیکسی والا کچھ دیر اسے دیکھتا رہا پھر آگے بڑھا۔۔۔۔
"رہن۔۔۔رہنے دیں آپ جائیں"۔۔۔۔۔کیرت نے شوفر کو فوراً روکا وہ ضامن کی سبز آنکھوں میں اترتی وحشت صاف دیکھ رہی تھی وہ نہیں چاہتی تھی کہ کسی کو اسکی وجہ سے نقصان ہو۔۔۔۔۔ضامن نے سنجیدگی سے کیرت کو دیکھا اور اسے اپنے ساتھ لے جانے لگا۔۔۔۔شوفر پیچھے کھڑا رہ گیا۔۔۔۔
"کیا ہوا ہے۔؟ بتاؤ مجھے کسی نے کچھ کہا ہے"۔۔۔۔۔؟؟ وہ اسے اپنی گاڑی کے پاس لے آیا تھا۔۔۔۔۔آفس کے اس سنسان احاطے میں وہ دونوں تن تنہا کھڑے تھے۔۔۔۔آسمان پہ بادل تھے۔۔۔۔۔چاند نہ تھا تارے بھی کم تھے۔۔۔۔۔۔کہیں کہیں اکا دکا۔۔۔۔۔۔
جامنی قمیض اور سفید ٹراؤزر کے ساتھ ہم رنگ سفید اور جامنی کنٹراس والے شفون کے دوپٹے کو گلے میں ڈال کر اسنے کالی چادر خود پہ لپیٹی ہوئی تھی۔۔۔۔۔غزالی آنکھوں میں سرما تھا۔۔۔۔۔ہلکا سا لائنر اور خم دار پلکوں پہ مسکارا۔۔۔۔۔گندم رنگ چہرے پہ ہلکا ہلکا میک اپ تھا۔۔۔۔اور ہونٹوں پہ لپ گلوز۔۔۔۔۔۔وہ دن بدن نکھرتی جارہی تھی۔۔۔۔۔ایک ہاتھ سینے پہ باندھ کر وہ دوسرے سے پرس پکڑے اسکے سامنے کھڑی تھی۔۔۔۔۔غزالی آنکھیں جھکی تھیں۔۔۔۔۔۔۔
"مجھے جانے دیں ضامن"۔۔۔۔اسنے پلکیں اٹھائیں۔۔۔۔۔ان پہ موتی چمک رہے تھے۔۔۔۔۔ضامن کے دل میں ٹیس اٹھی۔۔۔۔۔وہ بے ساختہ اسکے اور قریب ہوا۔۔۔۔۔
"تم رو کیوں رہی ہو۔۔۔۔؟ کس نے کچھ کہا ہے تمہیں بتاؤ۔۔۔۔۔۔؟بتاؤ مجھے پریشے؟"۔۔۔۔وہ کہتا کہتا رکا۔۔۔۔ "میر۔۔۔۔میری کوئی بات بری لگی ہے۔؟ میری وجہ سے رو رہی ہو"۔۔۔۔۔؟؟وہ پریشان ہوگیا تھا اس کے ان سوالوں کے درمیان اسکی ممی کی باتوں کی بازگشت برابر تھی۔۔۔۔۔ "کڑوا گھونٹ"۔۔۔۔۔۔
"تم میں تو ایسا کچھ بھی نہیں ہے جسے دیکھ کر کوئی اتنا دیوانہ ہو"۔۔۔۔۔
کیرت نے کرب سے آنکھیں میچ لیں پھر اس نے اسکے سامنے ہاتھ جوڑ لیے۔۔۔۔۔
"میں آپ کے لائق نہیں ہوں۔۔۔۔۔نہیں ہوں میں ایسی جسے کوئی پسند کرے۔۔۔۔۔جس سے محبت کی جائے۔۔۔۔۔جس کے پیچھے دیوانہ ہوا جائے۔۔۔۔۔آپ بھی میرے پیچھے اپنی زندگی برباد نہ کریں"۔۔۔۔جینز کی پینٹ پہ بلیک شرٹ اور سلیو لیس بازوؤں والی جیکٹ والا ضامن تڑپ کے اسکے قریب ہوا۔۔۔۔۔پر کیرت اسکے ہاتھ بڑھاتے ہی اس سے دور ہوگئی۔۔۔۔اسکا ہاتھ بلند رہا۔۔۔۔خالی رہا۔۔۔۔۔سبز آنکھوں نے اپنی محبت کو دیکھا۔۔۔۔۔جو اس سے دور تھی۔۔۔۔۔دور ہونے کی باتیں کرتے ہوئے۔۔۔۔۔۔
"میں تم سے محبت کرتا ہوں"۔۔۔۔۔۔وہ کھوئے ہوئے۔۔۔۔دکھ سے بھرے لہجے میں بولا۔۔۔۔۔غزالی آنسوؤں سے بھری آنکھیں اب رونے سے سرخ ہونے لگی تھیں۔۔۔۔۔
"آپ کی ایک اس محبت نے مجھے ہر ایک سے ذلیل کروادیا ضامن۔۔۔۔۔۔پہلے مجھے میرے گھر والے برا بھلا کہتے تھے اب سب مجھے دونمبر کہتے ہیں۔۔۔۔۔۔اب ہر کوئی مجھ پہ انگلیاں اٹھا کر چلا جاتا ہے۔۔۔۔۔۔جسے موقع ملتا کہہ دیتا ہے کہ تم محبت کے لائق ہی نہیں ہو"۔۔۔۔۔۔آنسوں گلے میں پھنس گئے اس نے تھوک نگلا۔۔۔